Organizata Botërore e Shëndetësisë nuk beson se shpërthimi i lisë së majmunit jashtë Afrikës kërkon vaksinim masiv.

Richard Pebody, i cili drejton ekipin e patogjenëve me kërcënim të lartë në OBSH në Europë, tha për Reuters se furnizimet e menjëhershme të vaksinave dhe antiviralëve janë relativisht të kufizuara, transmeton portal arbresh.info

Komentet e tij erdhën pasi Qendrat e SHBA për Kontrollin dhe Parandalimin e Sëmundjeve thanë se ishte në proces të lëshimit të disa dozave të vaksinës Jynneos për përdorim në rastet e lisë së majmunit.

Qeveria e Gjermanisë tha të hënën se po vlerësonte opsionet për vaksinimet, ndërsa Britania ua ka ofruar ato disa punonjësve të kujdesit shëndetësor.

Masat parësore për të kontrolluar shpërthimin janë gjurmimi i kontaktit dhe izolimi, tha Pebody, duke vënë në dukje se lija e majmunit nuk është një virus që përhapet lehtë dhe se deri me tani nuk ka shkaktuar sëmundje serioze.

“Vaksinat e përdorura për të luftuar linë e majmunëve mund të kenë disa efekte anësore të rëndësishme”, shtoi ai.

Shumica e rasteve të konfirmuara nuk kanë asnjë lidhje me udhëtimet në Afrikë, gjë që sipas zyrtarit të OBSH-së, mund të ketë raste tjera të pazbuluara.

“Pra, ne po shohim vetëm majën e ajsbergut,” i tha ai Reuters.

Duke pasur parasysh ritmin e shpërthimit dhe mungesën e qartësisë rreth asaj që e shtyn atë, kanë rritur edhe shqetësimet se ngjarjet dhe festat e kësaj vere të përkeqësojnë më shumë gjërat./arbresh.info/